Rafa Markes 47 yoshga to‘ldi, «Barselona» tabrikladi

Juma kuni meksikalik sobiq futbolchi Rafa Markes o‘zining 47 yoshini nishonladi. Bu haqda Zamin.uz xabar berdi.

«Barselona» futbol klubi o‘z tarixida muhim iz qoldirgan ushbu futbolchini tug‘ilgan kuni bilan tabrikladi. Bu haqda euro-football.ru xabar berdi.

Klubning rasmiy xabarida: «Tug‘ilgan kuning muborak, Rafa!» – degan tabrik so‘zlari keltirilgan. Rafa Markes 2003–2010 yillarda «Barselona» safida markaziy himoyachi sifatida to‘p surgan.

U o‘sha davrda jami 242 ta o‘yinda maydonga tushib, 13 ta gol va 13 ta golli uzatmaga mualliflik qilgan. Markes nafaqat futbolchi sifatida, balki murabbiy sifatida ham faoliyat yuritgan.

U 2022–2024 yillarda «Barselona»ning yoshlar jamoasini boshqargan. Hozir esa Meksika milliy terma jamoasi murabbiylar shtabida ishlamoqda.

Shuningdek, «Barselona»ning navbatdagi o‘yini 16 fevral kuni «Jirona»ga qarshi o‘tishi rejalashtirilgan.