Martynovich va Havertsning qiziqarli suhbati tafsilotlari

"Kairat" futbolchisi Aleksandr Martynovich Chempionlar ligasida "Arsenal"ga qarshi o‘yindan so‘ng London klubi hujumchisi Kay Haverts bilan bo‘lgan qiziqarli suhbatni esladi. Bu haqda Zamin.uz xabar berdi.

Unga ko‘ra, nemis futbolchisi Martynovichning chehrasi tanish tuyulganini aytgan. Bu haqda euro-football.ru xabar berdi.

Martynovichning so‘zlariga ko‘ra, Haverts suhbat davomida: "Yuzing menga juda tanish, lekin sababi esimda yo‘q", degan. Shunda "Kairat" himoyachisi avval "Bayer"ga qarshi o‘yinlarni eslatgan va o‘sha paytda raqibni qiyin ahvolga tushirib, keyingi bosqichga o‘tishganini aytib o‘tgan.

Shuningdek, Martynovich Haverts bilan "Chelsi"da to‘p surgan davrida ham bir necha bor maydonda to‘qnash kelganini qo‘shimcha qilgan. Martynovich Havertsning futbolkasi uning shaxsiy kolleksiyasida borligini ham ta’kidladi.

Shuningdek, Aleksandr faoliyati davomida Rossiyaning "Krasnodar", "Ural" va "Rubin" klublarida ham o‘ynagan. Eslatib o‘tamiz, "Arsenal" va "Kairat" jamoalari Chempionlar ligasi umumiy bosqichining so‘nggi turida o‘zaro bahs olib bordi.

Uchrashuvda "Arsenal" o‘z uyida 3:2 hisobida g‘alaba qozondi.