Martynovich va Havertsning maydondagi qiziqarli suhbati
"Qayrat" futbol jamoasi a’zosi Aleksandr Martynovich Chempionlar ligasi doirasida "Arsenal"ga qarshi kechgan o‘yindan so‘ng, raqib hujumchisi Kay Haverts bilan bo‘lgan qiziqarli suhbatni eslab o‘tdi. Bu haqda Zamin.uz xabar berdi.
Martynovichning aytishicha, Haverts undan qayerdadir ko‘rgandek tanish ekanini so‘ragan. Aleksandr esa unga ilgari "Bayer"ga qarshi o‘ynaganini va uni musobaqadan chiqarib yuborishganini eslatgan.
Shuningdek, Haverts "Chelsi" safida bo‘lganida ham ular bir necha bor maydonda to‘qnash kelishganini qayd etgan. Martynovich suhbat davomida Havertsning o‘yin futbolkasi uning shaxsiy kolleksiyasida borligini ham aytib o‘tgan.
Ma’lum qilinishicha, Aleksandr avvalroq Rossiyaning "Krasnodar", "Ural" va "Rubin" klublarida ham faoliyat yuritgan. Eslatib o‘tamiz, "Arsenal" va "Qayrat" jamoalari yanvar oyining oxirida Chempionlar ligasi guruh bosqichining so‘nggi turida uchrashgan edi.
Ushbu bahsda "Arsenal" o‘z maydonida 3:2 hisobida g‘alaba qozongan. Ma’lumot euro-football.ru saytida e’lon qilingan.
