Martynovich va Havertsning qiziqarli suhbati tafsilotlari

«Kayrat» futbolchisi Aleksandr Martynovich Chempionlar ligasidagi oxirgi o‘yindan keyin «Arsenal» hujumchisi Kay Haverts bilan bo‘lib o‘tgan qiziqarli suhbatni eslab o‘tdi. Bu haqda Zamin.uz xabar berdi.

Futbolchining so‘zlariga ko‘ra, Haverts uning yuzini nimagadir tanish deb hisoblagan. Bu haqda euro-football.ru sayti xabar berdi.

Martynovichning aytishicha, Haverts unga: «Sen juda tanish ko‘rinyapsan», degan. Aleksandr esa bunga javoban, avvalroq ularning yo‘llari kesishganini eslatgan.

U bir paytlar «Bayer»ga qarshi o‘ynaganini va o‘sha paytda Haverts bilan maydonda uchrashganini aytgan. Shuningdek, Haverts «Chelsi» safida o‘ynagan davrda ham ular bir necha bor maydonda to‘qnash kelishganini qo‘shimcha qilgan.

Martynovich Havertsning futbolkasi uning shaxsiy kolleksiyasida borligini ham e’tirof etdi. U ilgari Rossiyaning «Krasnodar», «Ural» va «Rubin» klublarida to‘p surganini ham eslatib o‘tdi.

Ma’lumot uchun, «Arsenal» va «Kayrat» jamoalari Chempionlar ligasining yanvar oyidagi so‘nggi turida uchrashgan. London klubi o‘z maydonida 3:2 hisobida g‘alaba qozongan.