Ronaldu faoliyatini yakunlashni o‘zi hal qiladi

Portugaliya terma jamoasi bosh murabbiyi Roberto Martines Krishtianu Ronaldu qachon futbolchilik faoliyatini yakunlashini o‘zi hal qilishini ta’kidladi. Bu haqda Zamin.uz xabar berdi.

Bu haqda euro-football.ru xabar bergan. Fevral oyida 41 yoshni qarshilagan Ronaldu haqida Martines BBCga bergan intervyusida uning jismoniy holati hali ham yuqori darajada ekanini aytib o‘tdi.

Unga ko‘ra, Ronaldu maydonda uzoq vaqt davomida o‘zini ko‘rsata olishi mumkin. Murabbiyning fikricha, asosiy masala vaqt emas, balki futbolchining o‘zi uchun eng to‘g‘ri qarorni qachon qabul qilishida.

Martines Krishtianuning o‘ziga nisbatan juda talabchan va mas’uliyatli ekanini qayd etdi. Agar Ronaldu jamoaga foydasi kamayganini sezsa, faoliyatini yakunlash haqida qarorni o‘z vaqtida o‘zi qabul qiladi, dedi murabbiy.

Ayni paytda Ronaldu Saudiya Arabistonining "Al-Nasr" klubida faoliyat yuritmoqda. Xabarlarga ko‘ra, u klub boshqaruvidagi ba’zi qarorlardan norozi bo‘lib, bir necha o‘yinda ishtirok etmadi.

Biroq shanba kuni u yana tarkibga qaytishi kutilmoqda. "Al-Fateh" va "Al-Nasr" o‘rtasidagi uchrashuvni LiveResult sayti orqali matnli onlayn translatsiya shaklida kuzatish mumkin bo‘ladi.