Xaverts Martynovichni qayerdan tanishini eslay olmadi
"Kayrat" futbol jamoasi himoyachisi Aleksandr Martynovich Chempionlar ligasidagi "Arsenal"ga qarshi o‘yin tugaganidan so‘ng raqib jamoa yarim himoyachisi Kay Xaverts bilan bo‘lgan qiziqarli suhbatni eslab o‘tdi. Bu haqda Zamin.uz xabar berdi.
Euro-football.ru saytining xabar berishicha, Xaverts Martynovichga yuzini tanishdek tuyulganini aytgan. Martynovichning so‘zlariga ko‘ra, Xaverts unga: "Nimadir uchun yuzing menga tanishdek tuyuladi", degan.
Aleksandr esa bunga javoban, avval "Bayer" klubiga qarshi o‘ynaganini va o‘sha paytda Xaverts bilan maydonda uchrashganini eslatgan. Shuningdek, u Xaverts "Chelsi"da o‘ynagan davrda ham bir necha bor to‘qnash kelishganini qo‘shimcha qilgan.
Martynovich o‘zining futbolkalar kolleksiyasida Xavertsning ham o‘yin kiyimi borligini aytib o‘tdi. Ma’lum bo‘lishicha, Aleksandr o‘z faoliyati davomida Rossiyaning "Krasnodar", "Ural" va "Rubin" klublarida ham o‘ynagan.
Eslatib o‘tamiz, "Arsenal" va "Kayrat" jamoalari Chempionlar ligasining yanvar oyida o‘tgan so‘nggi turida uchrashgan edi. O‘yin London klubining 3:2 hisobidagi g‘alabasi bilan yakunlangan.
