Oq Uyda UFC janglari o‘tkazilishi rejalashtirilmoqda
UFC tashkiloti rahbari Dana Uaytning ma’lum qilishicha, Oq Uyda UFC janglari bo‘yicha maxsus tadbir o‘tkazilishi rejalashtirilmoqda. Bu haqda Zamin.uz xabar berdi.
Ushbu tadbirda AQSH prezidenti Donald Trampning ham bevosita ishtirok etishi kutilmoqda. Dana Uaytning so‘zlariga ko‘ra, u, Kreyg Borsari va UFC jamoasi Oq Uyda o‘tkaziladigan janglar kechasining tashkiliy masalalari, shuningdek, janglar kartasini tuzish bo‘yicha Prezident Tramp va uning jamoasi bilan hamkorlikda ish olib bormoqda.
Shu maqsadda ular maxsus safar bilan Vashingtonga borgan. Uaytning aytishicha, hozirda tadbirni o‘tkazish bo‘yicha bir nechta variant ko‘rib chiqilmoqda.
Uchta asosiy g‘oya muhokama qilinmoqda va ulardan qaysi biri Prezident Trampga ma’qul kelishi aniqlanadi. U tadbirni noyob, o‘ziga xos va juda qimmatbaho bo‘lishini ta’kidladi.
Bu haqda MMA Fighting nashri xabar berdi. Ma’lum bo‘lishicha, janglar oqshomi 14-iyun kuni Oq Uy hududida o‘tkazilishi rejalashtirilgan.
Bu tadbir UFC tarixida muhim voqealardan biri bo‘lishi kutilmoqda.
