Rossiya Mali bilan ilk o‘rtoqlik o‘yinini o‘tkazadi

Rossiya terma jamoasining sobiq futbolchisi va Ispaniyaning "Selta" klubi sobiq o‘yinchisi Aleksandr Mostovoy Rossiya Futbol Ittifoqining (RFU) milliy jamoa uchun raqib topish borasidagi faoliyatini yuqori baholadi. Bu haqda Zamin.uz xabar berdi.

Ma’lum bo‘lishicha, 27-mart kuni Rossiya terma jamoasi Mali terma jamoasiga qarshi o‘rtoqlik uchrashuvini o‘tkazadi. Bu haqda "Euro-football.ru" xabar bermoqda.

Mostovoyning fikricha, hozirgi sharoitda kuchli raqib topish juda murakkab. Shunga qaramay, federatsiya tomonidan Chili, Peru va Mali kabi jamoalarga qarshi o‘yinlar tashkil qilinayotgani katta muvaffaqiyat hisoblanadi.

U Rossiya terma jamoasining pastroq darajadagi raqiblar bilan emas, balki munosib jamoalar bilan bellashayotganini alohida ta’kidladi. Mali terma jamoasi FIFA reytingida 54-o‘rinni egallab turibdi.

Bu jamoa 1972-yilda Afrika Millatlar Kubogida kumush medalni, 2012 va 2013-yillarda esa bronza medallarini qo‘lga kiritgan. Rossiya va Mali terma jamoalari shu vaqtgacha o‘zaro hech qanday uchrashuv o‘tkazmagan.

Bu o‘yin ikki jamoa uchun ham yangi tajriba bo‘lishi kutilmoqda.