Chempionlar ligasi: "Real", "PSJ" va "Borussiya" g‘alaba qozondi
Yevropa Chempionlar ligasining pley-off bosqichidagi kechagi uchrashuvlar futbol muxlislari uchun unutilmas kechdi. Bu haqda Zamin.uz xabar berdi.
Har bir o‘yin o‘ziga xos tarzda dramatik voqealarga boy bo‘ldi. Kimdir minimal hisobda g‘alaba qozongan bo‘lsa, boshqalar haqiqiy superkambekni namoyish etdi.
Lissabonda "Real" va "Benfika" o‘rtasidagi bahsda madridliklar ehtiyotkor, lekin maqsadli o‘yin ko‘rsatdi. Hal qiluvchi vaziyat ikkinchi bo‘lim boshida yuz berdi: 50-daqiqada Vinisius raqib darvozasini ishg‘ol qilib, o‘yin natijasini hal etdi.
Shuningdek, uchrashuv davomida Joze Mourinoning hakam tomonidan chetlatilishi katta e’tibor qozondi. O‘yin "Real" foydasiga 0:1 hisobida yakunlandi.
Parijda esa "PSJ" va "Monako" o‘yini juda keskin kechdi. "Monako" Balogunning dastlabki daqiqalardagi gollari bilan ustunlikni qo‘lga kiritgan bo‘lsa-da, "PSJ" irodali o‘yin ko‘rsatdi.
Due ikkita gol urib, Hakimi esa muhim lahzada o‘z jamoasini o‘yinga qaytardi. Shu tariqa, "PSJ" 2:3 hisobida g‘alaba qozondi.
Qayd etish joiz, Vitinya 22-daqiqada penaltini aniq amalga oshira olmadi. Dortmundda "Borussiya" "Atalanta"ni qabul qildi.
Uchrashuvning 3-daqiqasidayoq Girassi hisobni ochdi, 42-daqiqada esa Bayer ikkinchi golni kiritdi. Uchrashuv 2:0 hisobida yakunlandi va "Borussiya" ishonchli g‘alabaga erishdi.
Endi barcha diqqat javob o‘yinlariga qaratilgan. Aynan o‘sha bahslarda jamoalarning haqiqiy imkoniyatlari va yuksak mahorati yana bir bor sinovdan o‘tadi.
Manba: One.uz.
