Xulian Alvares 2026 yilda "Barselona"ga o‘tishi mumkin

Madridning "Atletiko" klubi hujumchisi Xulian Alvares 2026 yil yozida "Barselona" jamoasiga o‘tishi kutilmoqda. Bu haqda Zamin.uz xabar berdi.

Bu haqda euro-football.ru xabar berdi. Ma’lumotlarga ko‘ra, transfer jahon chempionati yakunidan so‘ng rasmiylashtirilishi mumkin.

TyC Sports jurnalisti Xyugo Balassonning ma’lum qilishicha, ushbu transferning qiymati taxminan 70 million yevroni tashkil etadi. Manbalarning ta’kidlashicha, Alvaresga faqat "Barselona" emas, boshqa klublar ham qiziqish bildirmoqda.

Lekin futbolchining o‘zi sovrinlar uchun jiddiy kurash olib boradigan jamoaga o‘tishni va yangi muhitda o‘zini sinab ko‘rishni maqsad qilgan. 2025/26 yilgi mavsumda Alvares "Atletiko" safida 35 ta o‘yinda maydonga tushib, 13 ta gol urgan va 6 ta golli uzatma amalga oshirgan.

Hozirda uning "Atletiko" bilan tuzgan shartnomasi 2030 yilning 30 iyunigacha amal qiladi. Transfermarkt ma’lumotlariga ko‘ra, futbolchining bozor qiymati 100 million yevroga baholangan.