Dibala Ronaldu bilan o‘tgan davrlarni esladi
Paulo Dibala o‘zining “Yuventus”dagi faoliyati davomida Krishtianu Ronaldu bilan bir jamoada o‘ynagan paytlarini esladi. Bu haqda Zamin.uz xabar berdi.
Argentinalik hujumchi Ronaldu jamoada qanday inson bo‘lganini va uning odatlari haqida fikr bildirdi. Bu haqda euro-football.ru xabar berdi.
Dibalaning so‘zlariga ko‘ra, Krishtianu Ronaldu kun tartibiga juda qat’iy rioya qilgan. U ertalab soat 8-9 larda mashg‘ulot bazasiga kelib, kun davomida zalda shug‘ullangan, massaj olgan, fizioterapiya muolajalaridan foydalangan, sovuq vannalar va saunada dam olgan.
Shuningdek, ovqatlanish rejimini ham qat’iy nazorat qilgan. Ronaldu har bir mayda detallarga ham e’tibor bergan, uning diqqat markazi doim futbol va tayyorgarlikka qaratilgan bo‘lgan.
Dibala Ronaldu mashg‘ulotlarda ham o‘ziga xos raqobatchilik ruhini ko‘rsatganini aytdi. U har qanday vaziyatda yutqazishni yoqtirmas, maydonda doim g‘alaba uchun kurashgan.
Maydon tashqarisida esa u jamoaviy muhitni qo‘llab-quvvatlovchi, do‘stona munosabatda bo‘luvchi inson sifatida eslanadi. U jamoadoshlari bilan suhbatlashgan, kechki ovqatlarda qatnashgan va argentinaliklar ichadigan mate ichimligini ichishni yaxshi ko‘rgan.
Dibalaning aytishicha, Ronaldu ba’zan o‘zi mate olib kelib, katta idish va peru termosi bilan ichimlik tayyorlagan, bu esa argentinalik futbolchini kuldirgan. Hozirda Paulo Dibala Italiya A Seriyasi vakili “Roma” jamoasida o‘ynamoqda.
Krishtianu Ronaldu esa Saudiya Arabistonining “Al-Nasr” klubida faoliyatini davom ettirmoqda.
