Vlahovich kelasi mavsumni "Barselona"da boshlashi mumkin
"Yuventus" klubi hujumchisi Dushan Vlahovich joriy mavsum yakunlangach, faoliyatini "Barselona"da davom ettirishni rejalashtirmoqda. Bu haqda Zamin.uz xabar berdi.
Bu haqda euro-football.ru xabar berdi. Serbiyalik futbolchining "Yuventus" bilan amaldagi shartnomasi kelasi yozda tugaydi va uni uzaytirish ehtimoli juda past.
Tuttosport manbasining ma’lumotiga ko‘ra, 26 yoshli hujumchi kelajakdagi faoliyatini "Barselona" bilan bog‘lashga qaror qilgan. U Kataloniya klubiga erkin agent sifatida o‘tishni maqsad qilgan.
Hozirda "Barselona" Vlahovichni o‘z safiga qo‘shib olish bo‘yicha asosiy da’vogar bo‘lib turibdi va transferni amalga oshirish uchun dastlabki qadamlarni tashlamoqda. Xabarlarga ko‘ra, "Barselona"da Vlahovichni Robert Levandovskining o‘rnini bosuvchi futbolchi sifatida ko‘rishmoqda.
Levandovskining jamoa bilan amaldagi shartnomasi ham iyun oyining oxirida yakunlanadi. Shu sababli kataloniyaliklar hujum chizig‘ini kuchaytirish maqsadida Vlahovichni tarkibga qo‘shishni birinchi darajali vazifa sifatida belgilashgan.
