Dushan Vlahovich "Barselona"ga o‘tishni rejalashtirmoqda
"Yuventus" jamoasining hujumchisi Dushan Vlahovich joriy mavsum yakunida "Barselona" klubiga o‘tishni rejalashtirmoqda. Bu haqda Zamin.uz xabar berdi.
Bu haqda euro-football.ru sayti xabar bermoqda. Serbiyalik futbolchining klub bilan amaldagi shartnomasi kelasi yozda yakuniga yetadi va katta ehtimol bilan yangilanmaydi.
Tuttosport nashrining ma’lumotiga ko‘ra, 26 yoshli forvard kelajakdagi faoliyatini davom ettirish uchun "Barselona"ni tanlamoqda. U erkin agent sifatida kataloniyaliklar safiga qo‘shilishni maqsad qilgan.
"Barselona" hozirda Vlahovichni o‘z safiga jalb etish bo‘yicha asosiy da’vogar hisoblanadi va transferni amalga oshirish uchun dastlabki qadamlarni tashlamoqda. Shuningdek, manbalarda keltirilishicha, Dushan Vlahovich "Barselona" jamoasida Robert Levandovski o‘rnini egallashi mumkin.
Polshalik hujumchining "Barselona" bilan amaldagi shartnomasi ham iyun oyida o‘z nihoyasiga yetadi. Shu sababli, kataloniyaliklar hujum chizig‘ini kuchaytirish maqsadida Vlahovichga katta e’tibor qaratmoqda.
