Erik Garsiya "Barselona"da qolganidan mamnun
"Barselona" futbol klubi himoyachisi Erik Garsiya o‘tgan yil jamoani tark etishga juda yaqin bo‘lganini ma’lum qildi. Bu haqda Zamin.uz xabar berdi.
Bu haqda euro-football.ru xabar berdi. Futbolchining so‘zlariga ko‘ra, 2025 yil yanvar oyida u Italiya klubi "Komo"ga o‘tish borasida deyarli kelishuvga erishgan edi.
Biroq, transfer shartnomasi yakunlanmagan. Keyinchalik Erik Garsiya "Barselona"ning asosiy tarkibidan joy olib, o‘zini ko‘rsatish imkoniyatini qo‘ldan boy bermadi.
"Bir payt shunday his qilgandimki, men "Komo"ga ketaman. Ammo "Benfika"ga qarshi o‘yin vaziyatni butkul o‘zgartirdi.
O‘sha vaqtda murabbiy bilan suhbatlashdim va qolishga qaror qildim. Endi esa bu qarorim to‘g‘ri bo‘lganini ayta olaman", — deydi futbolchi.
Garsiya uchun burilish nuqtasi bo‘lgan "Benfika" bilan o‘yin Chempionlar ligasining o‘tgan mavsum guruh bosqichiga to‘g‘ri keladi. Ushbu o‘yinda "Barselona" 5:4 hisobida g‘alaba qozongan va himoyachi Erik Garsiya gol urishga muvaffaq bo‘lgan.
Bu voqea uning klubdagi faoliyatini yangi bosqichga olib chiqdi.
