16 yoshli saudiyalik futbolchi Turki Al-Saed vafot etdi
Saudiya Arabistoni futbolida qayg‘uli voqea yuz berdi. Bu haqda Zamin.uz xabar berdi.
“Al-Qadisiya” futbol klubi safida o‘ynab kelayotgan 16 yoshli himoyachi Turki Al-Saed vafot etdi. Bu haqda Saudiya futbol federatsiyasi rasmiy xabar tarqatdi.
Ma’lumot euro-football.ru saytida ham e’lon qilindi. “Al-Qadisiya” jamoasi Saudiya Arabistoni futbolining kuchi jihatidan ikkinchi ligasida ishtirok etadi.
Hozirda jamoa turnir jadvalida to‘rtinchi o‘rinni egallab turibdi. Klub tarkibida ilgari “Atalanta” jamoasida o‘ynagan italiyalik futbolchi Mateo Retegi ham bor.
Turki Al-Saedning o‘limi sabablari hozircha rasmiy ravishda ochiqlanmagan. Biroq norasmiy ma’lumotlarga ko‘ra, bu voqea yo‘l-transport hodisasi oqibatida sodir bo‘lgan bo‘lishi mumkin.
Yosh futbolchining hayotdan erta ketishi nafaqat uning oilasi va jamoasi, balki butun futbol hamjamiyatini chuqur qayg‘uga soldi.
