AFA prezidenti Klaudio Tapia tergovga chaqirildi

Argentina Futbol Assotsiatsiyasi (AFA) prezidenti Klaudio Tapia ijtimoiy badallar bo‘yicha to‘lovlar amalga oshirilmagani sababli prokuratura tomonidan so‘roqqa chaqirildi. Bu haqda Zamin.uz xabar berdi.
Bu haqda "Euro-Football" nashri xabar berdi. Mazkur ish doirasida AFA g‘aznachisi Pablo Tovigino ham gumonlanuvchi sifatida ko‘rib chiqilmoqda.
Huquq-tartibot idoralari ikkala mansabdorga ham mamlakatni tark etishni taqiqladi. So‘roq jarayoni 5 mart kuni o‘tkazilishi rejalashtirilgan.
Tergov ishlari AFA tomonidan davlat budjetiga ijtimoiy to‘lovlar bo‘yicha 13 million dollar miqdoridagi mablag‘ o‘tkazilmagani haqidagi da’volar asosida boshlangan. Shu bilan birga, Klaudio Tapianing 10 gektarlik, vertolyot qo‘nish maydonchasiga ega mulki ham huquq-tartibot idoralarida shubha uyg‘otgan.
Prokuratura futbolchilar uchun ajratilgan bonuslar miqdoriga ham e’tibor qaratmoqda. Ma’lum bo‘lishicha, bu bonuslar Tapianing dunyo bo‘ylab amalga oshirgan xizmat safarlari xarajatlaridan ancha kam bo‘lgan.
Ushbu tafovut savollarga sabab bo‘lmoqda.





