Ronaldu: Kelajagim Saudiya Arabistoni bilan bog‘liq

Saudiya Arabistoni chempionatining navbatdagi turida "Al-Nasr" jamoasi "Al-Hazm"ni 4:0 hisobida mag‘lub etdi. Bu haqda Zamin.uz xabar berdi.

Mazkur o‘yindan so‘ng jamoaning yetakchi hujumchisi Krishtianu Ronaldu matbuot vakillari bilan suhbatlashdi. Bu haqda euro-football.ru xabar berdi.

41 yoshli portugaliyalik futbolchi ushbu uchrashuvda dubl qayd etib, o‘yin yakunida eng yaxshi futbolchi sifatida e’tirof etildi. Shuningdek, u intervyu davomida kelajagi borasidagi rejalarini ham ma’lum qildi.

Ronaldu o‘z fikrlarini quyidagicha izohladi: "Men buni avval ham bir necha marta ta’kidlaganman: mening kelajagim Saudiya Arabistoni bilan bog‘liq. Bu yerda o‘zimni baxtli his qilyapman va faoliyatimni davom ettirishni xohlayman".

Eslatib o‘tamiz, avvalroq Ronaldu klub rahbariyatidan norozi bo‘lib, bir necha o‘yinlarda maydonga tushmagani haqida xabarlar tarqalgan edi. Biroq keyinchalik u yana o‘yinlarga qaytdi va klubni tark etishi haqidagi mish-mishlarni rad etdi.

Ronaldu hozirda "Al-Nasr" safida muvaffaqiyatli faoliyatini davom ettirmoqda.