Ronaldu 30 yoshdan keyin 500-gol marrasini zabt etdi
"Al-Nasr" jamoasi hujumchisi Krishtianu Ronaldu 30 yoshdan keyingi faoliyati davomida 500 ta gol urish marrasidan oshdi. Bu haqda Zamin.uz xabar berdi.
Bu haqda euro-football.ru xabar bermoqda. Portugaliyalik futbolchi Saudiya Arabistoni chempionatining navbatdagi turida "Al-Hazm" jamoasiga qarshi o‘yinda 13-daqiqada hisobni ochib, 30 yoshdan keyingi faoliyatidagi 500-golini urdi.
O‘yinning so‘nggi daqiqalarida esa u yana bir gol kiritib, bu ko‘rsatkichni 501 taga yetkazdi. Umumiy hisobda Ronaldu professional faoliyati davomida 964 ta gol urishga muvaffaq bo‘lgan.
Shunisi e’tiborliki, uning gollarining asosiy qismi keyingi 11 yil ichida kiritilgan. Bu esa futbolchining yoshi ulg‘ayganiga qaramay, yuqori darajada o‘ynashni davom ettirayotganini ko‘rsatadi.
Joriy mavsumda 41 yoshli Ronaldu Saudiya ligasida 20 ta gol urgan. To‘purarlar poygasida u hozircha uchinchi o‘rinda bormoqda.
Uning oldida Ayven Toni (23 ta gol) va Xulian Kinones (21 ta gol) joylashgan.
