Karim Benzema va murabbiy o‘rtasida janjal chiqdi
"Al-Hilol" jamoasining fransuz hujumchisi Karim Benzema yaqinda bo‘lib o‘tgan o‘yinning tanaffusida jamoa bosh murabbiyi bilan janjallashib qolgani haqida xabar tarqaldi. Bu haqda Zamin.uz xabar berdi.
Bu haqda "Ball Zone" va "Euro-football.ru" manbalari ma’lum qilmoqda. Ma’lum bo‘lishicha, Benzemaning jamoaga kelishi "Al-Hilol" futbolchilari orasida taranglikni kuchaytirgan.
Ayrim futbolchilar klubning fransuz forvardini transfer qilganidan mamnun emasliklarini bildirgan. Bu esa jamoa ichki muhitida ba’zi muammolarni yuzaga keltirgan.
Eslatib o‘tamiz, 38 yoshli Karim Benzema qishki transferlar davrida "Al-Ittihod" klubidan "Al-Hilol"ga o‘tdi. U yangi jamoasi bilan 1,5 mavsumga mo‘ljallangan shartnoma imzoladi.
Hujumchi "Al-Hilol" safida uchta o‘yinda maydonga tushib, 3 ta gol urishga va 1 ta golli uzatmani amalga oshirishga muvaffaq bo‘ldi. So‘nggi turda "Al-Hilol" jamoasi "Al-Ittihod" bilan bahs olib bordi va o‘yin 1:1 hisobida yakunlandi.
Ushbu natija jamoaning Pro-liga jadvalida birinchi o‘rindan ikkinchi o‘ringa tushib ketishiga olib keldi.
