Benzema va murabbiy o‘rtasida ziddiyat yuzaga keldi

Al-Hilol futbol klubi hujumchisi Karim Benzema yaqinda o‘tkazilgan o‘yin tanaffusida jamoa murabbiyi bilan tortishib qolgan. Bu haqda Zamin.uz xabar berdi.

Ushbu voqea haqida Ball Zone va euro-football.ru xabar bergan. Manbalarga ko‘ra, Benzemaning jamoaga kelishi futbolchilar orasidagi muhitni taranglashtirgan.

Ayrim futbolchilar klub rahbariyatining fransuz hujumchisi bilan shartnoma imzolagan qaroridan norozilik bildirayotgani haqida ham ma’lumotlar mavjud. Ma’lumki, 38 yoshli Karim Benzema qishki transfer davrida Al-Ittihaddan Al-Hilol klubiga o‘tgan edi.

U yangi jamoasi bilan 1,5 mavsumlik shartnoma imzolagan. Benzema Al-Hilol safida uchta o‘yinda maydonga tushib, uchta gol urishga va bitta golli uzatma berishga muvaffaq bo‘ldi.

So‘nggi turda Al-Hilol jamoasi Al-Ittihod bilan 1:1 hisobida durang o‘ynadi. Ushbu natijadan so‘ng jamoa Saudiya Arabistoni Pro-liga turnir jadvalidagi ikkinchi o‘ringa tushib qoldi.