“Xaydenxaym” va “Shtutgart” o‘yini 3:3 hisobida yakunlandi

Germaniya chempionati 23-turida “Xaydenxaym” jamoasi o‘z maydonida “Shtutgart”ga qarshi o‘yin o‘tkazdi. Bu haqda Zamin.uz xabar berdi.

Jadvalning quyi qismida qolib ketgan “Xaydenxaym” bu safar gollarga boy va qiziqarli uchrashuv namoyish etdi. Bu haqda euro-football.ru xabar berdi.

O‘yin boshidanoq keskin va murosasiz kechdi. 5-daqiqada mehmonlar hisobni ochishdi: Kris Fyurix raqib himoyachidan to‘pni olib, aniq zarba yo‘lladi.

Oradan ko‘p o‘tmay, “Xaydenxaym” hujumchisi Kristian Kontening zarbasi bloklandi, ammo Eren Dinkchi vaziyatdan unumli foydalanib hisobni tenglashtirdi. Keyin Ermədin Demirovich “Shtutgart”ni yana oldinga olib chiqdi, lekin VAR orqali epizodga qayta baho berilib, gol bekor qilindi.

Sababi, avvalroq Dinkchiga nisbatan qoida buzilgani aniqlangan edi. Natijada “Xaydenxaym” futbolchisi Arijon Ibrohimovich penaltini aniq amalga oshirib, jamoasini 2:1 hisobida oldinga olib chiqdi.

Birinchi bo‘lim yakunida esa “Shtutgart” ham penaltidan gol urib, Maksimilian Mittelshtedt hisobni 2:2 ko‘rinishiga keltirdi. Ikkinchi bo‘limda ham o‘yin juda keskin davom etdi.

73-daqiqada Demirovich yana gol urdi, ammo bu safar ofsayd qayd etilib, hisob o‘zgarmadi. 82-daqiqada “Xaydenxaym” futbolchisi Sirlord Konte jamoasini yana oldinga olib chiqdi.

Biroq ko‘p o‘tmay, mehmon jamoa futbolchisi Denis Undav Nikolas Narteyning uzatmasidan so‘ng javob golini urdi va o‘yin 3:3 hisobida yakunlandi. Ushbu durangdan so‘ng “Shtutgart” turnir jadvalining 4-o‘rnida qoldi.

“Xaydenxaym” esa ketma-ket to‘rtta mag‘lubiyatdan keyin ilk bor ochko qo‘lga kiritdi, lekin baribir jadvalning pastki qismida qolmoqda.