Karim Benzema va murabbiy o‘rtasida tortishuv yuz berdi

"Al-Hilal" futbol jamoasining fransuz hujumchisi Karim Benzema yaqinda bo‘lib o‘tgan o‘yin tanaffusida jamoa bosh murabbiyi bilan tortishib qolgani haqida xabar berildi. Bu haqda Zamin.uz xabar berdi.

Bu haqda "Ball Zone" manbasi ma’lumot tarqatgan. Shuningdek, mazkur voqea haqida euro-football.ru sayti ham yozgan.

Manbalarning ta’kidlashicha, Benzemaning klubga kelishi jamoa ichidagi muhitga salbiy ta’sir ko‘rsatgan. Ayrim futbolchilar uning transferidan norozi ekanliklarini bildirgan.

Ularning fikricha, Benzema bilan shartnoma tuzish jamoaning ichki birdamligiga putur yetkazgan. Ma’lumki, 38 yoshli Benzema qishki transfer oynasida "Al-Ittihod" klubidan "Al-Hilal"ga o‘tgan va bir yarim mavsumga mo‘ljallangan shartnoma imzolagan edi.

U yangi jamoasida hozirgacha uchta o‘yinda maydonga tushgan, uchta gol urgan va bitta golli uzatma amalga oshirgan. "Al-Hilal" Saudiya Arabistoni Pro-ligasidagi so‘nggi bahsda "Al-Ittihod" bilan 1:1 hisobida durang o‘ynadi.

Ushbu natija sabab, jamoa turnir jadvalida ikkinchi o‘ringa tushib qoldi.