Rossiya va Mali ilk bor maydonda to‘qnashadi

Rossiyalik murabbiy Valeriy Nepomnyashiy o‘zining Kamerun terma jamoasi bilan ishlagan davrini yodga olib, Rossiya va Mali o‘rtasidagi o‘rtoqlik uchrashuvi haqida fikr bildirdi. Bu haqda Zamin.uz xabar berdi.

Mazkur o‘yin 27-mart kuni o‘tkazilishi rejalashtirilgan. Bu haqda euro-football.ru xabar berdi.

Nepomnyashiyning so‘zlariga ko‘ra, Rossiya terma jamoasi hozirgi izolyatsiya sharoitida deyarli har qanday raqib bilan o‘ynashga majbur. Shu sababli har qanday jamoa ular uchun maqbul hisoblanadi.

U Mali terma jamoasini mutlaq favorit deb hisoblamasligini, ammo o‘yin murakkab kechishini ta’kidladi. Shuningdek, murabbiy texnik jihatdan kuchli jamoalar qatorida Senegal va Kamerunni tilga oldi.

Ingliz futbol uslubiga yaqin terma jamoalar sifatida esa Gana va Malini misol keltirdi. Ma’lumotlarga ko‘ra, Mali FIFA reytingida 54-o‘rinda joylashgan, Rossiya esa 36-pog‘onani egallab turibdi.

Qayd etish joizki, ushbu ikki jamoa avval hech qachon o‘zaro uchrashmagan.