Anchelotti: Ronaldu eng professional futbolchilardan biri

Braziliya terma jamoasining hozirgi bosh murabbiyi Karlo Anchelotti portugaliyalik futbolchi Krishtianu Ronaldu haqida o‘z fikrlarini bildirdi. Bu haqda Zamin.uz xabar berdi.

Bu haqda euro-football.ru xabar berdi. Anchelottining so‘zlariga ko‘ra, Ronaldu u bilan ishlagan futbolchilar orasida eng professionallaridan biri hisoblanadi.

Murabbiy Ronaldu bilan bog‘liq bir voqeani ham eslab o‘tdi. Unga ko‘ra, Ronaldu bir kuni “Haddan tashqari ko‘p suv o‘simlikni o‘ldiradi” degan iborani ishlatgan.

Ushbu ibora futbolchining mashg‘ulotlardan keyin tiklanish jarayonining naqadar muhimligini anglatganini ko‘rsatadi. Anchelotti shuningdek, ko‘plab jarohatlar aynan ortiqcha zo‘riqish natijasida yuzaga kelishini ham ta’kidladi.

Bu fikrlarini murabbiy Cadena SER nashriga bergan intervyusida o‘rtoqlashdi. Bugungi kunda 41 yoshli Krishtianu Ronaldu Saudiya Arabistonining “An-Nasr” klubida faoliyat olib bormoqda.

Uning bu jamoa bilan tuzgan shartnomasi 2027 yilning o‘rtalarigacha mo‘ljallangan. Ronaldu o‘z faoliyati davomida besh marta “Oltin to‘p” sovrinini qo‘lga kiritgan va dunyoning eng kuchli futbolchilaridan biri sifatida tan olingan.