Pogbaning maydonga qaytishi yaqinlashmoqda
"Monako" jamoasi bosh murabbiyi Sebastyen Pokonyoli yarim himoyachi Pol Pogbaning jarohatdan keyingi tiklanish jarayoni va maydonga qaytish vaqti haqida fikr bildirdi. Bu haqda Zamin.uz xabar berdi.
Bu haqda euro-football.ru sayti xabar bermoqda. Murabbiy matbuot anjumanida Pogbaning qaytishi yaqinlashayotganini ta’kidlab, uni terma jamoalar o‘yinlari uchun tanaffusdan biroz avval jamoa tarkibida ko‘rishni istashlarini aytdi.
Shuningdek, Pokonyolining so‘zlariga ko‘ra, xalqaro tanaffus vaqtida ham Pogba bilan alohida ishlash rejalashtirilgan. Futbolchi hozirda diqqatini to‘liq jamoaga qaratgan.
Eslatib o‘tamiz, Pogba ushbu mavsumda noyabr va dekabr oylarida "Monako" safida uchta o‘yinda qatnashgan edi. Biroq, jarohatlar sababli yana safdan chiqib qoldi.
Mart oyida Pol Pogba 33 yoshga to‘ladi. Ayni paytda "Monako" jamoasi Fransiya chempionatining Liga 1 turnir jadvalida sakkizinchi o‘rinda bormoqda.
