Argentina chempionati korrupsiya mojarosi sabab to‘xtadi
Argentina futbol chempionati bir haftalik tanaffusga chiqadi, 9-tur uchrashuvlari keyinroq o‘tkazilishi rejalashtirilmoqda. Bu haqda Zamin.uz xabar berdi.
Bu qarorga mahalliy futbol federatsiyasi atrofidagi korrupsiya bilan bog‘liq mojaro sabab bo‘ldi. Mazkur holat haqida euro-football.ru xabar berdi.
Qayd etilishicha, 7 va 8-tur uchrashuvlari belgilangan jadvalga muvofiq o‘tkaziladi, ammo tanaffus aynan 9-tur o‘yinlariga to‘g‘ri keldi. Ushbu tur bahslarini dastlab 5–8 mart kunlari o‘tkazish rejalashtirilgan edi.
Biroq 5 mart kuni Argentina futbol assotsiatsiyasi (AFA) prezidenti Klaudio Tapiyaning sud oldida javob berishi zarur bo‘ladi. Derbyderbyderby.it saytining ma’lumotlariga ko‘ra, sobiq futbolchilar va federatsiya xodimlariga pensiya to‘lovlari bilan bog‘liq firibgarlik sxemasi orqali 19 milliard peso (taxminan 12 million yevro) miqdoridagi soliqlardan qochilgan.
Bundan tashqari, federatsiyaning moliyaviy operatsiyalarda pul yuvish jarayonlariga aloqador bo‘lishi mumkinligi haqida ham shubhalar mavjud. Shu sababli chempionat jadvalida o‘zgarishlar kiritilishi zarur deb topilgan.
