Ashraf Hakimi ustidan ish yana sudga qaytdi
Ashraf Hakimi ustidan jinsiy zo‘ravonlik bo‘yicha qo‘zg‘atilgan ish yana qayta ko‘rib chiqilmoqda. Bu haqda Zamin.uz xabar berdi.
Ushbu ish futbolchi uchun oxirgi uch yil davomida katta bosim bo‘lib kelayotgani aytilmoqda. Dastlab, yosh bir qiz ijtimoiy tarmoqlar orqali tanishganini va futbolchini zo‘ravonlikda ayblaganini bildirgan edi.
Endilikda bu masala yana sudga qaytarilishi haqida xabarlar tarqaldi. Bu haqda euro-football.ru ma’lumot berdi.
Mazkur ishda Ashraf Hakimining huquqiy himoyasini advokat Fanni Kolin olib bormoqda. Uning so‘zlariga ko‘ra, futbolchi barcha ayblovlarni qat’iyan rad etmoqda va tergov jarayonida bir qator jiddiy kamchiliklar bo‘lganini ta’kidlamoqda.
Derbyderbyderby.it nashri ham bu haqda xabar bergan. Shuningdek, eslatib o‘tamiz, Hakimi yaqinda olgan jarohati sabab bir necha oy davomida futbol maydonidan chetda qolishga majbur bo‘lgan edi.
Ushbu voqealar uning shaxsiy hayotiga ham, professional faoliyatiga ham katta ta’sir ko‘rsatmoqda. Ishning yakuni qanday bo‘lishi esa hali noma’lum.
