Futbol o‘yinida to‘p chayqaga tegib ketdi
Turkiyada futbol o‘yini davomida noodatiy voqea yuz berdi. Bu haqda Zamin.uz xabar berdi.
“Mevlanakapy Gyuzyelhisar” va “Istanbul Yurdum Spor” jamoalari o‘rtasidagi uchrashuvda darvozabon to‘pni uzoqqa tepmoqchi bo‘lgan paytda, to‘p tasodifan maydon uzra uchib o‘tayotgan chayqaga tegib ketdi. Bu holat ijtimoiy tarmoqlarda keng muhokama qilindi.
Ushbu voqea haqida euro-football.ru xabar berdi. Qush yerga qulaganidan so‘ng, har ikki jamoa futbolchilari darhol yordamga shoshildi.
“Istanbul Yurdum Spor” jamoasi sardori Gani Chatan vaziyatni tezda anglab, qushga yurak massaji qila boshladi. Shundan so‘ng chayqa maydon chetiga olib chiqilib, tibbiyot xodimlariga topshirildi.
Turkiyaning AA nashri bergan ma’lumotga ko‘ra, chayqa omon qolgan. Hozircha u ucholmaydi, ammo veterinarlarga topshirilgach, sog‘ayib ketishi kutilmoqda.
Ushbu voqea insoniylik va hayvonlarga bo‘lgan g‘amxo‘rlikning yorqin namunasi bo‘ldi.
