Futbol maydonida jarohat olgan chayqaga yordam berildi

Turkiyada o‘tkazilgan futbol uchrashuvi davomida kutilmagan voqea yuz berdi va bu holat ijtimoiy tarmoqlarda keng muhokama qilindi. Bu haqda Zamin.uz xabar berdi.

"Mevlanakapy Go‘zelhisar" va "Istanbul Yurdum Spor" jamoalari o‘rtasidagi o‘yinda darvozabon to‘pni uzoqlashtirishga uringan paytda, tasodifan maydon uzra uchib o‘tayotgan chayqaga tegib ketdi. Bu haqda euro-football.ru xabar bermoqda.

Voqea sodir bo‘lishi bilan ikki jamoa futbolchilari ham chayqa tomon yugurishdi. "Istanbul Yurdum Spor" jamoasi sardori Gani Chatan vaziyatni darhol baholab, qushga yordam ko‘rsatishga kirishdi.

U chayqaga bilvosita yurak massaji qildi va keyin uni maydon chetida kutayotgan tibbiyot xodimlariga topshirdi. Turkiyaning AA nashri ma’lumotiga ko‘ra, chayqa omon qolgan.

Hozircha qushning uchishi biroz vaqtga kechikishi mumkin, ammo u veterinarlarga topshirilgach, asta-sekin sog‘ayishi kutilmoqda. Ushbu voqea insonparvarlikning yorqin namunasiga aylandi.