Ramazonda Fransiyada futbolchilar o‘yinda tamaddi qildi
Fransiya futboli Afrika mamlakatlaridan kelgan musulmon futbolchilar ishtirokida davom etmoqda. Bu haqda Zamin.uz xabar berdi.
Hozir Ramazon oyi bo‘lib, musulmonlar uchun bu oy kunduz kuni ovqatlanish va suv ichish taqiqlangan muqaddas davr hisoblanadi. Ushbu mavzuda "Nant" futbol klubi oxirgi o‘yini paytida qiziqarli holat kuzatildi.
Bu haqda euro-football.ru xabar berdi. O‘yinda darvozabon Antoni Lopes jarohat olib, unga tibbiy yordam ko‘rsatilayotgan paytda bir necha futbolchi yon chiziq tomon borib, yengil tamaddi qilib, suv ichgan.
Bu futbolchilar tarkibida liviyalik Ali Yussef, misrlik Mustafo Muhammad va marokashlik Yussef El-Arabiy bor edi. Ushbu holat telekameralar tomonidan tasvirga olinib, arab mamlakatlarida bahs-munozaralarga sabab bo‘ldi.
Ta’kidlash kerakki, Fransiya ligasi Ramazon oyiga mos ravishda tanaffuslar joriy etmaydi. Bu borada Angliya Premyer ligasi va Germaniya Bundesligasi ayrim hollarda bunday pauzalarni amalga oshirishi bilan farq qiladi.
Bu masala futbolchilar va jamoatchilik orasida turli munosabatlarga sabab bo‘lib kelmoqda.
