Rossiya ayollar jamoasi turnir rejasini o‘zgartirmadi
Birlashgan Arab Amirliklarida (BAA) o‘tayotgan xalqaro turnirda ishtirok etayotgan Rossiya ayollar futbol terma jamoasi rejasini o‘zgartirishsiz davom ettirmoqda. Bu haqda Zamin.uz xabar berdi.
Yaqin Sharqdagi murakkab siyosiy vaziyatga qaramay, jamoa o‘z tayyorgarlik ishlarini belgilangan tartibda olib bormoqda. Bu haqda euro-football.ru sayti xabar berdi.
Rossiya futbol ittifoqi (RFI) matbuot xizmatining ma’lum qilishicha, ayollar jamoasi Pink Ladies Cup turnirining qolgan uchrashuvlariga odatdagi rejaga ko‘ra tayyorgarlikni davom ettirmoqda. Ularning bildirishicha, hozirgi kunga qadar musobaqa taqvimida hech qanday o‘zgarish bo‘lmagan.
"Match TV"ga bergan intervyusida RFI vakillari jamoaning har kuni belgilangan tartib asosida mashg‘ulotlar o‘tkazayotganini ma’lum qilishdi. Bugungi kun mashg‘ulotlarga bag‘ishlangan bo‘lsa, ertaga o‘yinoldi tayyorgarlik ishlari amalga oshiriladi.
3-mart kuni esa navbatdagi uchrashuv bo‘lib o‘tadi. Ma’lumki, Rossiya ayollar terma jamoasi turnirdagi ilk o‘yinida Tanzaniya jamoasini 4:1 hisobida yirik mag‘lubiyatga uchratgan edi.
Jamoa 3-mart kuni Gana terma jamoasiga, 6-mart kuni esa Gonkong jamoasiga qarshi maydonga tushadi.
