Osiyo Chempionlar Ligasi o‘yinlari kechiktirildi

Osiyo futbol konfederatsiyasi (OFK) Osiyo Chempionlar Ligasi doirasidagi bir qator uchrashuvlarni boshqa muddatga ko‘chirilganini ma'lum qildi. Bu haqda Zamin.uz xabar berdi.

Ushbu uchrashuvlar Abu-Dabi, Dubay va Dohada o‘tkazilishi kerak edi. Bu haqda euro-football.ru xabar bermoqda.

Mazkur qarorga Eron, AQSh va Isroil o‘rtasidagi harbiy keskinlik sabab bo‘ldi. Xabarda aytilishicha, Eron tomonidan uchirilgan snaryadlar AQSh bazalari joylashgan qo‘shni mamlakatlar hududiga ham yetib bormoqda.

OFK bayonotida tashkilot vaziyatni diqqat bilan kuzatishda davom etishini va futbolchilar, jamoalar, rasmiylar hamda muxlislar xavfsizligini ta’minlash masalasida qat’iy pozitsiyada qolishini ta’kidladi. Uchrashuvlar 2 va 3 mart kunlari o‘tkazilishi belgilangan edi.

Hozircha yangi sana yoki o‘yinlar o‘tkaziladigan joy bo‘yicha aniq ma’lumot berilmadi. Ushbu vaziyat futbol olamida katta e'tibor qaratilayotgan masalalardan biri bo‘lib, ko‘pchilik bu holatning qanday yakun topishini kutmoqda.

Muxlislar va jamoalar uchun xavfsizlik birinchi o‘rinda bo‘lishi zarur.