Eron ayol futbolchilarining xavfli vaziyatda qolishi haqida xavotirlar ortmoqda
Osiyo Kubogida ishtirok etgan Eron ayollar terma jamoasi a’zolari vataniga qaytish arafasida jiddiy xavf ostida qoldi. Bu haqda Zamin.uz xabar berdi.
Bu xavfning sababi futbolchilarning musobaqa davomida o‘z mamlakatidagi vaziyatga nisbatan bildirgan norozilik namoyishlari bo‘ldi. Janubiy Koreyaga qarshi o‘yin oldidan qizlar davlat madhiyasini kuylashdan bosh tortishgan edi.
Avstraliya bilan bo‘lgan bahsda esa harbiycha salom berish orqali o‘z noroziliklarini izhor etishdi. Eron davlat televideniyesi bu harakatlarni keskin qoralab, futbolchilarni "urush xoinlari" deb atadi.
Ular uchun qat’iy jazo choralarini talab qilmoqda. Mahalliy qonunchilikka ko‘ra, bunday ayblovlar tasdiqlansa, sportchi qizlar o‘lim jazosiga hukm qilinishi mumkinligi xalqaro hamjamiyatda katta xavotir uyg‘otdi.
Xususan, FIFPRO tashkiloti bu borada o‘z tashvishini bildirdi. Guruh bosqichidagi barcha o‘yinlarda mag‘lubiyatga uchragan Eron terma jamoasi turnirni muddatidan avval tark etdi.
Hozirda futbolchilarning xavfsizligi va kelgusi taqdiri butun dunyo sport jamoatchiligi diqqat markazida turibdi. Inson huquqlari himoyachilari va xalqaro tashkilotlar vaziyatni yaqindan kuzatmoqda.
Manba: One.uz.
