Maks Xollouey maglubiyatni tan oldi va muxlislaridan uzr so‘radi

Amerikalik taniqli aralash jang san’ati (MMA) sportchisi Maks Xollouey "UFC 326" turnirida braziliyalik Charles Oliveyraga qarshi o‘tgan jangdan so‘ng o‘z fikrlarini bildirdi. Bu haqda Zamin.uz xabar berdi.

Ushbu bahsda u raqibiga imkoniyatni boy berganini tan olib, mag‘lubiyatni qabul qildi. Xollouey ijtimoiy tarmoqlardagi sahifasida muxlislariga murojaat qilib, g‘alaba va mag‘lubiyat sportning ajralmas qismi ekanligini ta’kidladi.

U shanba kungi jangda omad uning tomonida bo‘lmaganini tan olib, oilasi, do‘stlari va barcha muxlislaridan uzr so‘radi. Shuningdek, sportchi hech qanday bahona qidirmasligini, avval ham qiyin vaziyatlarni boshidan kechirganini eslatdi.

U maqsadiga qaytish uchun nima qilish kerakligini yaxshi bilishini ham qo‘shimcha qildi. Amerikalik jangchi raqibi Oliveyraga hurmat bildirib, hali hammasi tugamaganini, kelajakda yana cho‘qqiga chiqish uchun kurashishini ma’lum qildi.

Ma’lumot uchun, Maks Xollouey professional faoliyati davomida 27 marotaba g‘alaba qozongan va 9 marotaba mag‘lub bo‘lgan. Manba: One.uz