Antuan Grizmann Orlando Siti jamoasiga qo‘shildi
Amerika professional futbol ligasining Orlando Siti klubi o‘z tarixida yangi sahifa ochdi. Bu haqda Zamin.uz xabar berdi.
Fransiya terma jamoasi safida 2018-yilgi Jahon chempionatida g‘oliblikni qo‘lga kiritgan va Ispaniyaning Atletiko Madrid jamoasida o‘zini isbotlab bergan mashhur hujumchi Antuan Grizmannning transferi rasman tasdiqlandi. Klub boshqaruvi bu voqeani katta qiziqish bilan kutib oldi va barcha muxlislar uchun xushxabar ekanligini ta’kidladi.
Klubning asosiy egasi va boshqaruv kengashi raisi Mark Uilf so‘zlariga ko‘ra, Antuanning jamoaga qo‘shilishi nafaqat klub uchun, balki butun shtat va Amerika futboliga oid tarixiy voqeadir. Bu harakat liganing obro‘sini oshirish va futbolni yanada rivojlantirishga qaratilgan muhim qadamb bo‘lib hisoblanadi.
Futbolchi bilan tuzilgan shartnoma 2026-yil iyul oyidan boshlab amalga oshadi. Shartnoma muddati 2027 va 2028-yilgi mavsum oxirigacha davom etadi.
Bundan tashqari, kelajakda bu muddatni yana bir yilga uzaytirish imkoniyati ham ko‘zda tutilgan. Grizmannning Orlando Siti safiga kelishi jamoaning hujum qobiliyatini sezilarli darajada oshiradi.
Uning tajribasi va darajasi yosh futbolchilar uchun katta o‘rginish manbai bo‘ladi. Shu bilan birga, bu transfer Amerika futbolining xalqaro miqyosdagi obrosini yanada mustahkamlashga xizmat qiladi.
Muxlislar endi jahon darajasidagi futbolchining o‘yinini yaqindan kuzatish imkoniyatiga ega bo‘ladi. Bu esa stadionlarda futbolga bo‘lgan qiziqishni oshirish va liganing rivojiga ijobiy ta’sir ko‘rsatadi.
Manba: One.uz
