O‘zbekiston bokschilari Ulan-Batorda Osiyo chempionatida kurashadi
Mo‘g‘uliston poytaxti Ulan-Bator shahri 30 martdan 10 aprelga qadar kattalar o‘rtasidagi boks bo‘yicha Osiyo chempionatiga mezbonlik qiladi. Bu haqda Zamin.uz xabar berdi.
Bu nufuzli musobaqada O‘zbekiston terma jamoasi ham to‘liq va raqobatbardosh tarkib bilan ishtirok etib, yuksak natijalar uchun ringga chiqadi. Milliy jamoa vakillari turli vazn toifalarida sovrinli o‘rinlar uchun kurashib, shon-sharafimizni himoya qilishadi.
Erkaklar jamoasi safida Asilbek Jalilov, Shahzod Muzaffarov, Abdurahmon Mahmudjonov, Abdulloh Madaminov, Havasbek Asadullayev, Javohir Abdurahimov, Fazliddin Erkinboyev, Jasurbek Yo‘ldoshev, Halimjon Mamasoliyev va Arman Maxanov kabi iqtidorli bokschilar ishtirok etadi. Ularni Rahmatjon Ro‘ziohunov, Ruslan Telimbayev, Ramzjon Ahmedov, Sherzodbek Ahmadjonov va Nursultan Bo‘rixanov kabi tajribali murabbiylar tayyorlamoqda.
Ayollar terma jamoasi ham kuchli tarkib bilan musobaqaga yo‘l olgan. Ular safida Sabina Boboqulova, Gulsevar Ganiyeva, Xumorabonu Mamajonova, Nigina O‘ktamova, Mushtariybonu Mamajonova, Feruza Abdualimova, Oysha Toirova, Aziza Zokirova, Ruxshona Parpiyeva va Oltinoy Sotimboyeva bor.
Ayollar jamoasiga Barbaro Fernandez Ximenez, Islom Tadjiboyev, Azim Xudayqulov va Lazizbek Sharifjonov murabbiylik qilmoqda. Jamoa tarkibida shifokor sifatida Dilshod Kazakov faoliyat yuritadi.
Mutaxassislar fikricha, ushbu chempionat O‘zbekiston bokschilari uchun nafaqat medallar, balki xalqaro tajriba va reyting uchun ham muhim sinov bo‘ladi. Muxlislar esa jamoamizdan yana bir bor yorqin g‘alabalar va kuchli chiqishlar kutib qolmoqda.
Manba: One.uz
