Manchester City muxlislari Husanovni mart oyining eng yaxshisi deb topdi
Angliyaning mashhur klublaridan biri bo‘lgan Manchester City jamoasi rasmiy saytida mart oyining eng yaxshi futbolchisini aniqlash maqsadida maxsus so‘rovnoma o‘tkazildi. Bu haqda Zamin.uz xabar berdi.
Klub muxlislari uch nomzod orasidan eng munosibini tanlash imkoniga ega bo‘ldi. Ushbu nomzodlar qatorida O‘zbekistonlik himoyachi Abduqodir Husanov, tezkor vinger Jeremi Doku hamda tayanch yarim himoyachi Rodri bor edi.
Klub matbuot xizmati vakili Devid Kleyton har bir futbolchining mart oyidagi o‘yinini alohida tahlil qilib, ularning kuchli tomonlarini ta’kidladi. Abduqodir Husanov yosh bo‘lishiga qaramay, maydonda o‘zini tajribali himoyachi sifatida ko‘rsatmoqda.
U Premyer-ligadagi har bir o‘yinda ishonchli harakatlari bilan ajralib turib, himoya chizig‘ida mustahkam devor vazifasini bajaradi. Husanovning asosiy ustunligi vaziyatni oldindan his qilish va to‘pni to‘g‘ri vaqtda ushlab qolish qobiliyatidadir.
Raqiblarning hujumlarini o‘z vaqtida to‘xtatish va xavfli vaziyatlarni bartaraf etish borasida yuqori darajada harakat qilmoqda. Shuningdek, uning tezligi ham alohida e’tirof etilmoqda.
Jamoa aynan shunday tezkor himoyachiga ehtiyoj sezayotgan edi, ayniqsa Kayl Uokerr ketganidan so‘ng bu jihat yanada muhim ahamiyatga ega bo‘ldi. Mart oyida Husanov Yevropaning kuchli hujumchilariga qarshi muvaffaqiyatli o‘yin ko‘rsatib, kelajagi porloq futbolchi ekanini yana bir bor isbotladi.
U avval “Etixad” stadionida oy futbolchisi deb topilgandi va hozirda bu yutuqni takrorlash arafasida turibdi. Belgiyalik vinger Jeremi Doku ham mart oyida yorqin o‘yin namoyish etdi.
U barcha oltita uchrashuvda maydonga tushib, raqib himoyachilari uchun jiddiy muammolar yaratdi. Ayniqsa, “Arsenal”ga qarshi Karabao kubogi finalida uning eng yaxshi sifatlari ko‘zga tashlandi.
Shuningdek, “Real”ga qarshi o‘yinlarda ham uning tezligi va texnikasi katta xavf tug‘dirdi. Doku hech qachon ortga chekinmaydigan va doimo kurashadigan futbolchilar qatoridan.
U qisqa vaqt ichida Yevropa futbolidagi eng xavfli va noqulay hujumchilardan biriga aylandi. Rodri esa jamoaning aql markazi hisoblanadi.
Ispaniyalik yarim himoyachi mart oyida o‘zining eng yaxshi formasiga qaytganini namoyish etdi. Butun mavsum davomida o‘yinini bosqichma-bosqich yaxshilab, hozirda jamoaning asosiy “dvigateli”ga aylangan.
Rodri maydonda o‘yin tempini nazorat qiladi, jamoadoshlarini boshqaradi va muhim paytlarda to‘g‘ri qarorlar qabul qiladi. Ayniqsa, “Uembli” stadionida “Arsenal”ga qarshi o‘yinda u o‘zining yuqori darajasini ko‘rsatdi.
Uning sokinligi, bosim ostida xato qilmasligi va o‘yinni yaxshi o‘qish qobiliyati jamoa uchun katta ahamiyatga ega. Shu tariqa, mart oyining eng yaxshi futbolchisi uchun qiziqarli final yaqinlashmoqda.
Har uchala nomzod ham yuqori darajada o‘yin ko‘rsatib, muxlislarning e’tiborini qozonmoqda. Ushbu tanlov Manchester City muxlislari uchun katta qiziqish uyg‘otmoqda va natijalari yaqin kunlarda e’lon qilinadi.
Manba: Manchester City rasmiy sayti.
