O‘zbekiston milliy terma jamoasi Jahon chempionatida K guruhida raqobatlashadi
O‘zbekiston milliy terma jamoasi tarixda ilk bor futbol bo‘yicha Jahon chempionati—2026da ishtirok etadi. Bu haqda Zamin.uz xabar berdi.
Qur’a natijasiga ko‘ra, terma jamoamiz “K” guruhida o‘ynaydi. Bu guruhda Kolumbiya, Portugaliya va Kongo jamoalari bilan raqobatlashamiz.
Mundialdagi birinchi raqibimiz Kolumbiya terma jamoasida kutilmagan ziddiyat yuzaga keldi. Jamoaning ikki yetakchisi, Xames Rodriges va hujumchi Luis Dias, mart oyidagi o‘rtoqlik o‘yinlaridan so‘ng kiyinish xonasida og‘zaki bahslashib qolishdi.
Vaziyat shunchalik keskinlashdiki, jamoadoshlar aralashishga majbur bo‘ldi. Manba ma’lumotlariga ko‘ra, bu ziddiyat terma jamoadagi ichki raqobat va manfaatlar to‘qnashuvidan kelib chiqqan.
2026 yilgi Jahon chempionati oldidan tarkib va asosiy rollar uchun kurash fonida ikki futbolchi o‘rtasidagi taranglik oshdi. Hatto jamoa ichida yakuniy ro‘yxatda faqat bitta yetakchining qolishi ham muhokama qilinmoqda.
Mart oyida Kolumbiya jamoasi Jahon chempionatiga tayyorgarlik doirasida ikki o‘rtoqlik uchrashuvini o‘tkazdi. 27 martda Xorvatiyaga 1:2 hisobida, 30 martda esa Fransiyaga 1:3 hisobida mag‘lub bo‘ldi.
Ushbu natijalar asosiy turnir oldidan jamoaga bosimni oshirdi. Kolumbiya Janubiy Amerika saralash bosqichini uchinchi o‘rinda yakunlab, mundialda ishtirokini ta’minlagan edi.
“K” guruhidagi o‘yinlar jadvali quyidagicha: Kolumbiya, Portugaliya, O‘zbekiston va Kongo Demokratik Respublikasi (keyinchalik qit’alararo pley-off orqali mundialga chiqqan). O‘zbekiston milliy jamoasi ham mundialga puxta tayyorgarlik ko‘rmoqda.
Fabio Kannavaro boshchiligidagi jamoa FIFA Series 2026 doirasida Gabonni 3:1 hisobida, Venesuelani esa penalti seriyasida 5:4 hisobida mag‘lub etdi. Bu tarixiy ilk g‘alaba bo‘ldi.
Shu tariqa, O‘zbekiston futbol muxlislari terma jamoamizning Jahon chempionatidagi ilk ishtirokini katta intizorlik bilan kutmoqda. Manba: One.uz
