Arne Slot Everton ustidan qozonilgan g'alaba muhimligini ta'kidladi
Liverpul bosh murabbiyi Arne Slot Everton jamoasiga qarshi o'yinda qozonilgan 2:1 lik g'alabadan so'ng o'z muloqotida jamoa uchun ushbu bahsning qanchalik muhim bo'lganini ta'kidladi. Bu haqda Zamin.uz xabar berdi.
Murabbiyning fikricha, jamoa avvalroq PSJ va Manchester Siti kabi kuchli raqiblarga qarshi maydonga tushgan edi. O'sha o'yinlarda natija jamoa foydasiga kechmagan bo'lsa-da, futbolchilar yuqori darajadagi mahorat ko'rsatganlarini qayd etdi.
Slot mavsum davomida tarkibda yuzaga kelgan jiddiy yo'qotishlar jamoaning umumiy natijalariga salbiy ta'sir ko'rsatganini aytdi. Ayniqsa, asosiy tarkibdagi muhim o'yinchilarning jarohat olishi bir qancha qimmatli ochkolarning yo'qotilishiga sabab bo'lganini ta'kidladi.
Shu sababli, Everton ustidan qozonilgan g'alaba ham futbolchilar, ham muxlislar uchun katta quvonch bag'ishlaganini bildirdi. Murabbiy ushbu g'alaba nafaqat o'zi va murabbiylar shtabi, balki butun jamoa uchun ruhiy ko'tarinkis bo'lganini ta'kidladi.
U muxlislar bilan umumiy maqsadlar borligini va hamma yaxshi natijalarga erishishni istashini, ammo ayrim imkoniyatlar va vaziyatlar tufayli barcha rejalar amalga oshmaganini tushuntirdi. Shuningdek, Arne Slot mavsumning noodatiy va murakkab kechganini misol keltirib, bir jamoada ikki darvozabonning bir vaqtda jarohat olishi juda kam uchraydigan holat ekanini aytdi.
Bunday kutilmagan qiyinchiliklar jamoaning ishini ancha murakkablashtirganini qo'shimcha qildi. Yakunda u Everton ustidan qozonilgan g'alaba hozirgi vaqtda eng muhim natija ekanini alohida ta'kidladi.
Manba: One.uz
