Bavariya 35 bor chempion bo'lib g'ayrioddiy sovrin oldi
Bavariya klubi Germaniya oliy ligasining 30 tur doirasida Shtutgart jamoasini 4:2 hisobida maglub etdi. Bu haqda Zamin.uz xabar berdi.
Ushbu g'alaba natijasida jamoa Bundesliga chempionligini 35-bor qo'lga kiritdi. Biroq, bu safar futbolchilar an'anaviy chempionlik kubogini emas, balki g'ayrioddiy va maxsus sovrinni qabul qilishdi.
Goal.com nashrining xabariga ko'ra, jamoa a'zolari va texnik shtabga oq rangli maxsus futbolka topshirildi. Ushbu futbolkaning markazida klubning qizil va oq ranglardagi libosini kiygan kakadu qushi tasvirlangan.
Qushning qo'lida esa chempionlik kubogi aks ettirilgan. Mazkur sovrin jamoa ichida qiziqarli hazilga aylanib ulgurgan.
Bunga o'tgan mavsumdagi voqealar sabab bo'lgan. O'sha paytda bosh murabbiy Vinsent Kompani jamoani ruhlantirish va xursand qilish maqsadida g'alaba nishonlanayotgan podiumga portselyandan yasalgan kakadu haykalini qo'ygan edi.
Ma'lum bo'lishicha, ushbu haykal Kafer nomli restorandan olib kelingan. Keyinchalik restoran egasi ushbu buyumni bir ming yevrolik sovg'a sifatida klubga rasman taqdim etgan.
Leon Goretzka ushbu ramziy haykalni havoga ko'tarib, jamoa bilan birga g'alabani nishonladi. Ushbu talisman jamoa uchun omad ramziga aylanib, hatto Klublararo jahon kubogi musobaqasiga ham yo'l olgan edi.
Bunday an'analar jamoa ichidagi birdamlikni oshirishga va sportchilarning kayfiyatini ko'tarishga xizmat qilmoqda.
