«Portugaliya» «O‘zbekiston»ni 5:0 hisobida mag‘lub etdi
JCH-2026 guruh bosqichining ikkinchi turida Portugaliya va O‘zbekiston milliy jamoalari o‘rtasidagi o‘yin yakunlandi. Bu haqda Zamin.uz xabar berdi.
Bahsda yevropa jamoasi 5:0 hisobida yirik g‘alaba qozondi. WhoScored xalqaro statistika portali uchrashuvda maydonga tushgan futbolchilarning harakatlarini baholadi.
Krishtianu Ronaldu ikki gol urgan holda eng yuqori bahoga sazovor bo‘ldi. Portugaliya sardoriga 9 ball qo‘yildi.
Ronaldudan keyin Nunu Mendesh 8,8 ball, Brunu Fernandesh esa 8,7 ball bilan yuqori natija qayd etdi. Ruben Diash va Joau Kanseluning harakatlari 7,9 ballga baholandi.
O‘zbekiston milliy jamoasi safida Eldor Shomurodov va Abduqodir Husanov eng yuqori — 6,5 ball oldi. Abbosbek Fayzullayev va Behruz Karimovga 6,3 balldan qo‘yildi.
Milliy jamoamizda eng past baholar Abduvohid Ne’matov, Otabek Shukurov va Odil Hamrobekovga berildi. WhoScored ro‘yxatida Ne’matov 4,4, Shukurov 5,4, Hamrobekov esa 5,5 ball olgan.
Portugaliya tarkibida Koshta 7,5, Mendesh 8,8, Veyga 7,1, Diash 7,9, Kanselu 7,9, Vitinya 7,1, Nevesh 7,0, Feliks 7,4, Fernandesh 8,7, Netu 6,7 va Ronaldu 9,0 ball oldi. O‘zbekiston tarkibida Ne’matov 4,4, Nasrullayev 6,0, Husanov 6,5, Abdullayev 5,8, Ashurmatov 5,8, Shukurov 5,4, Hamrobekov 5,5, Karimov 6,3, G‘aniyev 6,1, Fayzullayev 6,3 va Shomurodov 6,5 ball oldi.
Shu tariqa, dubl muallifi Krishtianu Ronaldu uchrashuvning eng yaxshi futbolchisi sifatida eng yuqori bahoni qo‘lga kiritdi. Manba: One.uz
