Superkompyuter Portugaliya va Kolumbiya o'rtasidagi bahsga qarshi prognoz berdi
Bugun, 28 iyun kuni Jahon chempionati 2026 ning K guruhida judayam muhim uchrashuv bo‘lib o‘tadi. Bu haqda Zamin.uz xabar berdi.
Guruh g‘olibligi hal qiluvchi Portugaliya va Kolumbiya terma jamoalari o‘rtasidagi bahs oldidan Opta superkompyuteri o‘z prognozlarini e‘lon qildi. Hisob-kitoblar nima demoqda?
Opta Analyst raqamli tahlillariga ko‘ra, portugallar bugungi bahsda ancha kuchli hisoblanmoqda. Ammo Janubiy Amerikaning Kolumbiya jamoasini ham aslo kamsitib bo‘lmaydi.
Superkompyuter taqdim etgan g‘alaba ehtimollari quyidagicha bo‘ldi: Portugaliya uchun 48,9 foiz, Kolumbiya uchun 26,0 foiz va durang ehtimoli uchun esa 25,1 foiz. Raqamlardan ko‘rinib turibdiki, sun‘iy intellekt Yevropa vakillarining muvaffaqiyatini deyarli 50 foizga baholamoqda.
Kolumbiyaning zafari esa 26 foizlik ko‘rsatkich bilan biroz pastroq baholangan. K guruhidagi vaziyat: peshqadamlik uchun jang Ushbu uchrashuv shunchaki nufuz uchun emas, balki pley-off oldidan qulayroq raqibga duch kelish va guruhda birinchi o‘rinni qo‘lga kiritish uchun jiddiy ahamiyatga ega.
Dastlabki ikki turdan keyin jamoalarning holati quyidagicha. Kolumbiya — 6 ochko.
Ikkita o‘yinda yuz foizlik natija ko‘rsatib, guruhda peshqadamlik qilmoqda. Ularga bugungi bahsda durang ham birinchi o‘rinni saqlab qolish uchun yetarli.
Portugaliya — 4 ochko. Ikkinchi o‘rinda bormoqda.
Portugallar guruh g‘olibi sifatida keyingi bosqichga yo‘l olishni istashsa, bugun maydonda faqat g‘alaba uchun jang qilishlari shart. Bugungi superbahsda kimning taktikasi ish beradi?
Superkompyuter raqamlari haq chiqadimi yoki kolumbiyaliklar navbatdagi marotaba prognozlarni parchalab tashlashadimi? Buni yashil maydondagi olovli bahs ko‘rsatib beradi.
Manba: one.uz
