O‘zbekiston va DR Kongo o‘yini Toshkent bo‘ylab 12 maydonda translyatsiya qilinadi
28 iyun kuni jahon chempionatida O‘zbekiston va DR Kongo terma jamoalari o‘rtasidagi uchrashuv Toshkent shahrining barcha 12 tumanidagi ochiq maydonlarda to‘g‘ridan to‘g‘ri namoyish etiladi. Bu haqda Zamin.uz xabar berdi.
Eng asosiy va katta fan-zona sifatida «Bunyodkor» stadionida maxsus zona tashkil etiladi. Uchrashuvning translyatsiyasi Toshkent vaqti bilan ertalab soat 04:30 da boshlanadi.
O‘yinni shundan tashqari «Anhor-Lokomotiv», Central Park, «Ashxobod», G‘afur G‘ulom nomidagi bog‘, «Do‘stlik», «Furqat» va «G‘alaba» bog‘larida tomosha qilish imkoniyati yaratiladi. Bundan tashqari, Yunusobod sport majmuasi, INDEX Park hamda poytaxt tumanlarining markaziy sayilgohlarida katta ekranlar o‘rnatiladi.
Barcha maydonlarga kirish bepul bo‘lib, tomosha qiluvchilarga qulay sharoitlar taqdim etiladi. Manba: one.uz
