Klopp va Salah o‘rtasidagi ziddiyatlar do‘stlikka aylandi

Liverpul jamoasining sobiq bosh murabbiyi Jurgen Klopp va misrlik hujumchi Muhammad Salahrtasidagi munosabatlar uzoq vaqt davomida ommaviy axborot vositalarining diqqat markazida bo‘lib kelgan. Bu haqda Zamin.uz xabar berdi.

Ayniqsa, Kloppning Mersisayd klubidagi so‘nggi mavsumida yuzaga kelgan ayrim kelishmovchiliklar turli mish-mishlarga sabab bo‘lgan edi. Biroq Klopp yaqinda bergan intervyusida barcha shubhalarga nuqta qo‘ydi.

Bu haqda Goal.com xabar beradi. ESPN nashriga ko‘ra, hozirda Red Bull tizimida global futbol bo‘limi rahbari sifatida faoliyat yuritayotgan Jurgen Klopp Muhammad Salah bilan munosabatlari a’lo darajada ekanini ta’kidlagan.

Uning so‘zlariga ko‘ra, murabbiy va futbolchi o‘rtasidagi o‘tmishda qolgan ziddiyatlar endilikda samimiy do‘stlikka aylangan. Klopp va Salah o‘rtasidagi eng shov-shuvli voqea 2024-yilning aprel oyida, London Siti stadionida Vest Xemga qarshi o‘yin vaqtida yuz bergan edi.

O‘shanda zaxiradan maydonga tushishga tayyorlanayotgan misrlik yulduz va murabbiy o‘rtasida qizg‘in tortishuv yuzaga kelgan. Bu holat ko‘pchilikda ularning munosabatlari butunlay buzilgan degan taassurotni uyg‘otgan edi.

Klopp shunday deydi: "Biz hozir do‘stmiz. Men har doim futbolchilarim bilan do‘st bo‘lishni xohlaganman, garchi ish jarayonida bu har doim ham imkonsiz bo‘lsa-da.

Murabbiy sifatida ba’zan ular yoqtirmaydigan qarorlarni qabul qilishga majbur bo‘lasiz. Ammo eng muhimi — bularning barchasi o‘tmishda qoldi.

Hayotdagi eng kuchli narsa bu yaxshi xotiralar, ular har qanday ziddiyatdan ustun turgen Klopp Muhammad Salahni Lionel Messi va Cristiano Ronaldo kabi afsonaviy futbolchilar bilan bir qatorga qo‘ydi. Uning ta’kidlashicha, Salahning yillar davomida ko‘rsatgan barqarorligi va professionalizmi uni dunyoning eng yaxshi o‘yinchilaridan biriga aylantirgan.

Garchi har bir o‘yinda mukammal o‘ynash imkonsiz bo‘lsa-da, Salah doim jamoani yangi darajaga olib chiqishga intilgan. Klopp shunday deydi: "U nafaqat arab dunyosi uchun, balki butun futbol olami uchun o‘rnak bo‘la oladigan shaxs.

Misrda u shunchalik mashhurki, men u yerga ta’tilga bora olmayman, chunki Muhammad meni u yerda juda mashhur qilib yuborgan. Biz uning Liverpul uchun qilgan mehnatlarini, urgan gollari va g‘alabalardagi hissasini hech qachon unutmaymiz.

Biz shunchaki buyuklikka guvoh bo‘ldik." Ma’lumot uchun, Muhammad Salah Klopp qo‘l ostida Liverpul safida Angliya Premer-ligasi, Chempionlar ligasi va boshqa ko‘plab nufuzli sovrinlarni qo‘lga kiritgan. Hozirda 32 yoshli hujumchi Mersisayd klubida o‘zining sermahsul o‘yinlarini davom ettirmoqda, Klopp esa murabbiylikdan tanaffus olib, boshqaruv sohasida yangi loyihalarni amalga oshirmoqda.