Germaniya va Paragvay pley-offda Foksboro da toqnash keladi
Jahon chempionatining pley-off bosqichida Germaniya hamda Paragvay terma jamoalari to‘qnash keladi. Bu haqda Zamin.uz xabar berdi.
1/16 final doirasidagi uchrashuv bugun soat 01:30 da Bostondagi Foksboro stadionida o‘tkaziladi. Yulian Nagelsmann Germaniyani 4-2-3-1, Gustavo Alfaro esa Paragvayni 4-5-1 sxemasida maydonga tushiradi.
Darvozalarni Manuel Noyer va Orlando Xil qo‘riqlaydi. Germaniyaning himoya chizig‘ida Yozua Kimmix, Antonio Ryudiger, Jonatan Ta va Nataniel Braun joy olgan.
Tayanch yarim himoyada Feliks Nmecha bilan Aleksandr Pavlovich o‘ynaydi. Hujumlarni tashkil etish vazifasi Leroy Zane, Deniz Undav va Florian Virs zimmasiga yuklatilgan.
Kay Havers esa eng oldingi chiziqda harakat qiladi. Zaxirada Jamal Musiala, Leon Goretska, Nik Voltemade, Maksimilian Bayer, Paskal Gross, David Raum va boshqa futbolchilar bor.
Paragvay tarkibida Xulio Ensiso, Migel Almiron va Andres Kubas kabi futbolchilar asosiy tarkibdan o‘rin olgan. Jamoaning yagona hujumchisi sifatida Gabriel Avalos maydonga tushadi.
Paragvay zaxirasida Omar Alderete, Fabian Balbuena, Ramon Sosa, Antonio Sanabriya, Aleks Arse va Isidro Pitta kabi futbolchilar uchrashuvga qo‘shilishga tayyor. Germaniya to‘p nazorati va qanotlar orqali hujum qilishga urinsa, Paragvay markazni zich yopib, qarshi hujumlarga tayanishni rejalashtirgan.
G‘olib jamoa jahon chempionatining keyingi bosqichiga chiqadi. Manba: One.uz
