Anchelotti Neymarni zaxirada qoldirgan sabablarini tushuntirdi
Braziliya terma jamoasining bosh murabbiyi Karlo Anchelotti Jahon chempionatining nimchorak final bosqichida Yaponiyaga qarshi o'tkazilgan dramatik uchrashuvda Neymarni zaxirada qoldirgan sabablarini tushuntirdi. Bu haqda Zamin.uz xabar berdi.
Xyuston shahrida bo'lib o'tgan o'yinda braziliyaliklar 2:1 hisobida g'olib chiqishgan, biroq jamoa yetakchisi butun match davomida maydonga tushmagan. Goal.com saytining xabar berishicha, Anchelotti o'yindan so'ng jurnalistlarga bu qaror haqida batafsil ma'lumot bergan.
Anchelottining so'zlariga ko'ra, u 34 yoshli hujumchini o'yinning 60-65-daqiqalarida maydonga tushirishni rejalashtirgan, ammo maydondagi vaziyat o'zgarishi tufayli bu reja o'zgartirilgan. Murabbiy Neymarni qo'yimcha bo'limlar uchun asrab qolishga qaror qilgan.
U bilan oldindan gaplashilgan va 60-daqiqada maydonga tushishi kerak edi. Lekin hisob tenglashgach, Anchelotti jamoa tuzilmasini buzishni xohlamagan, chunki o'yin nazorati ularning qo'lida edi.
O'yinning burilish nuqtasi birinchi bo'limda keldi. Yaponiya terma jamoasi tartibli o'yin ko'rsatib, hisobda oldinga chiqib olgan.
Samuraylarning qarshi hujumlari Braziliya himoyasi uchun jiddiy muammo tug'dirgan. Biroq 56-daqiqada Kazemiro kiritgan gol o'yin yo'nalishini o'zgartirib yuborgan.
Shu paytdan so'ng Anchelotti tavakkal qilishdan voz kechib, jamoaviy barqarorlikni saqlab qolishga qaror qilgan. Murabbiyning Neymarni zaxirada qoldirishi yakunda o'zini oqladi.
Zaxiradan tushirilgan Gabriel Martinelli o'yinning haqiqiy qahramoniga aylanib, 96-daqiqada g'olabaning hal qiluvchi golini urgan. Bu natija Braziliyani qo'yimcha vaqt va asabiy daqiqalardan qutqargan.
Anchelotti Yaponiya terma jamoasining kuchini alohida e'tirof etgan. Raqib juda tartibli va yuqori intensivlikda harakat qiladigan jamoa bo'lib, ularga qarshi g'olib chiqish oson kechmagan.
Murabbiy jamoasidagi tarkib kengligi va zaxira o'yinchilarining yuqori sifati har qanday qiyin vaziyatdan chiqish imkonini berishini ta'kidlagan. Bu g'alaba Braziliyaning turnir favoritlaridan biri sifatidagi maqomini yanada mustahkamladi.
Neymar kabi yulduzning maydonga tushmasligi jamoaning nafaqat bitta futbolchiga, balki umumiy tizimga tayanayotganini ko'rsatadi. Endilikda Selesao chorak finalga tayyorgarlik ko'rmoqda va Neymarning jismoniy holati keyingi bosqichlarda hal qiluvchi ahamiyatga ega bo'lishi kutilmoqda.
