«Real Madrid» Yan Diomande transferida huquqiy to'siqqa duch keldi
Madridning "Real" klubi Germaniyaning "RB Leypsig" jamoasi hujumchisi Yan Diomandeni o‘z safiga qo‘shib olishda kutilmagan va jiddiy huquqiy to‘siqqa duch keldi. Bu haqda One.uz xabar beradi.
Futbolchining transferi uning sobiq va hozirgi agentlari o‘rtasidagi kelishmovchilik tufayli rasman e’lon qilinmayapti. Mazkur nizo FIFA darajasiga ko‘tarilgan bo‘lib, tomonlar futbolchining vakillik huquqi kimga tegishli ekani borasida o‘zaro kelisha olmayapti.
Bu holat "Qirollik klubi"ning rejalari kechikishiga va transfer jarayonining to‘xtab qolishiga sabab bo‘ldi. Ispaniya grandi muzokaralarni taniqli reper Jey-Z tomonidan asos solingan "Roc Nation" agentligi bilan olib borgan edi.
Madridliklar ushbu agentlikni futbolchining yagona qonuniy vakili deb hisoblagan. Biroq sobiq futbolchi Maks Gradel boshchiligidagi "Maxidel Management" agentligi FIFAga rasmiy da’vo kiritib, Yan Diomande bilan amaldagi shartnomasi borligini bildirdi.
Aynan ushbu agentlik futbolchining o‘tgan yili Germaniya klubiga o‘tishini ta’minlagan va kelishuvga ko‘ra, u jamoani tark etguniga qadar vakillik huquqi ularda saqlanib qolishi kerak edi. Agentliklar o‘rtasidagi nizo va "Real"ning noroziligi Muzokaralar davomida shaffoflikning yo‘qligi "Real Madrid" rahbariyatining qattiq g‘azabiga sabab bo‘ldi.
Klub mutasaddilari "Roc Nation" vakillari futbolchining boshqa agentlar bilan bog‘liqligini yashirgan deb hisoblamoqda. Kot-d’ivuarlik jurnalist Malik Traorening ma’lum qilishicha, madridliklar o‘zlarini aldangandek his qilmoqda.
Garchi klub futbolchining iqtidorini yuqori baholasa-da, yuzaga kelgan huquqiy chalkashliklar sababli agentlik bilan munosabatlari sovuqlashgan. Hozirgi vaqtda barcha e’tibor FIFAning yakuniy qaroriga qaratilgan.
Xalqaro futbol federatsiyasi agentlar faoliyati bo‘yicha qat’iy qoidalarga ega bo‘lib, agar vakillik huquqi ustidan nizo davom etsa, xalqaro transfer sertifikatini berishni rad etishi mumkin. "Real Madrid" noto‘g‘ri tomonga komissiya to‘lab yuborishdan va kelgusida moliyaviy sanksiyalarga uchrashdan xavotirda.
Shu sababli klub huquqiy masala to‘liq hal etilmaguncha transferni yakunlamaslikka qaror qildi. Transfer narxi va kelajakdagi rejalar Vaziyatni "RB Leypsig" klubining qat’iy talablari ham murakkablashtirmoqda.
Nemis klubi o‘z yulduzi uchun 100 million yevrodan kam bo‘lmagan mablag‘ talab qilmoqda va narx borasida hech qanday yon bosish niyatida emas. Agar agentlar o‘rtasidagi huquqiy kurash uzoq davom etsa, Madrid klubi futbolchini vaqtincha ro‘yxatdan o‘tkazish uchun maxsus ruxsatnoma so‘rashiga to‘g‘ri kelishi mumkin.
Mazkur murakkab vaziyat "Real Madrid"ning yozgi transfer rejalari uchun kutilmagan zarba bo‘ldi. Shunga qaramay, Ispaniya klubi Yan Diomandeni kelajakda o‘z safiga qo‘shib olish niyatidan qaytgani yo‘q.
Endilikda barcha tomonlar FIFAning ushbu nizo yuzasidan chiqaradigan hukmini kutmoqda. Bu haqda Goal.com nashri xabar bermoqda.
