Fransiyaning «Lans» klubi Umarali Rahmonaliyevni transfer qilish bo‘yicha muzokaralar boshladi
O‘zbekiston milliy terma jamoasi va Ozarbayjonning Sabax klubi a’zosi Umarali Rahmonaliyev faoliyatida yangi sahifa ochilishi kutilmoqda. Bu haqda One.uz xabar beradi.
Fransiya chempionatining kuchli jamoalaridan biri hisoblangan Lans klubi 22 yoshli hamyurtimizni o‘z safiga qo‘shib olish uchun rasmiy muzokaralarni boshladi. Yevropaning nufuzli sport nashrlari tarqatgan ma’lumotlarga ko‘ra, fransuz klubi rahbariyati O‘zbekiston bozoridagi muvaffaqiyatli transfer tajribasini yana bir bor takrorlash niyatida.
Yevropalik mutaxassislar va jurnalistlarning yozishicha, Lans sport direktori Jan-Lui Leka shaxsan Rahmonaliyevning o‘yinlarini uzoq vaqtdan beri kuzatib kelmoqda. Fransuz klubining ushbu qiziqishi bejiz emas, chunki jamoa o‘zbek futbolchilari bilan ishlashda katta muvaffaqiyatga erishdi.
Avvalroq Lans markaziy himoyachi Abduqodir Husanovni arzon narxda sotib olib, qisqa vaqt ichida uni Yevropa grandlari e’tiboriga tushirishga muvaffaq bo‘lgan edi. O‘zbek futboliga bo‘lgan ishonchning ortishi Husanovning Lans tarkibida ko‘rsatgan ajoyib o‘yinlari va uning rekord darajadagi mablag‘ evaziga Angliyaning Manchester Siti klubiga transfer qilinishi fransuzlarda o‘zbek iqtidorlariga nisbatan katta ishonch uyg‘otdi.
Endilikda klub rahbariyati Umarali Rahmonaliyevni ham xuddi shunday katta loyihaning bir qismi sifatida ko‘rmoqda. Yarimhimoyachi o‘zining mehnatsevarligi va maydondagi intizomi bilan Yevropa futboli talablariga to‘liq javob berishi aytilmoqda.
Umarali Rahmonaliyev Bunyodkor klubi tarbiyalanuvchisi hisoblanadi. U Qozonning Rubin jamoasidagi faoliyatidan so‘ng Ozarbayjonning Sabax klubiga o‘tdi va u yerda haqiqiy yetakchiga aylandi.
Tayanch yarimhimoyachisi pozitsiyasida to‘p surishiga qaramay, u o‘tgan mavsum davomida o‘zining samaradorligi bilan ajralib turdi. Uning jamoasi bilan qo‘lga kiritgan yutuqlari va xalqaro maydondagi tajribasi Lans kabi jamoalar e’tiborini tortish uchun yetarli bo‘ldi.
Xalqaro maydondagi muvaffaqiyatli ishtirok Joriy mavsumda Rahmonaliyev Yevropa Chempionlar ligasining saralash bahslarida ham o‘zini ko‘rsata oldi. Uning sa’y-harakatlari bilan Sabax jamoasi pley-off bosqichigacha yetib keldi.
Ozarbayjon nashrlarining tasdiqlashicha, futbolchining o‘yini nafaqat Fransiyada, balki boshqa Yevropa mamlakatlarida ham qiziqish uyg‘otmoqda. Biroq Lans klubi bu borada eng faol harakat qilayotgan jamoa bo‘lib turibdi.
Agar ushbu transfer amalga oshsa, Umarali Rahmonaliyev Fransiya chempionati orqali jahon futboli elitasiga kirib borish imkoniyatiga ega bo‘ladi. Bu o‘z navbatida O‘zbekiston milliy terma jamoasining saviyasi oshishiga ham xizmat qiladi.
Hozirda tomonlar o‘zaro kelishuv shartlarini muhokama qilmoqda va yaqin kunlarda yakuniy qaror e’lon qilinishi kutilmoqda. Ushbu ma’lumotlar les-transferts.com va 90plus nashrlari tomonidan taqdim etilgan.
