«Milan» va «Yuventus» tarkibni kuchaytirish uchun o'zaro kelishuvga erishishi mumkin
Italiya A seriyasining yangi mavsumi start olishiga sanoqli kunlar qolgan bir vaqtda, mamlakatning ikki grand klubi — Milan va Yuventus oʻz tarkibini kuchaytirish hamda ortiqcha oʻyinchilardan xalos boʻlish maqsadida kutilmagan kelishuvlarni amalga oshirishi mumkin. Bu haqda One.uz xabar beradi.
Sky Sport nashri tarqatgan maʼlumotlarga koʻra, transfer oynasining soʻnggi pallasida har ikki jamoa oʻzaro futbolchi almashish yoki kutilmagan sotuvlarni amalga oshirish variantlarini koʻrib chiqmoqda. Ayni damda murabbiylar rejasiga kirmay qolgan bir necha yetakchi futbolchilarning taqdiri hal qilinishi kutilmoqda.
Goal.com nashri xabariga koʻra, har ikki klubda ham yangi mavsum oldidan tarkibni optimallashtirish zarurati tugʻilgan. Xususan, Milanda Yussuf Fofana, Yuventusda esa Niko Gonsales kabi oʻyinchilar boshqa jamoalarga oʻtish uchun asosiy nomzodlar sifatida koʻrilmoqda.
Transfer bozorining yopilishiga oz fursat qolgani sababli, klublar oʻzaro muzokaralarni tezlashtirishga majbur boʻlishmoqda. Markaziy chiziq va himoyadagi oʻzgarishlar Yuventus bosh murabbiyi Luchano Spalletti har bir pozitsiyada kuchli raqobat boʻlishini istamoqda.
Turinliklar tarkibiga jismonan baquvvat, maydon markazida toʻp uchun kurasha oladigan va Manuel Lokatelli hamda Kefren Tyuramga munosib sherik boʻladigan tayanch yarim himoyachisi zarur. Dastlab bu oʻringa Frank Kessie nomzodi koʻrib chiqilgan edi, biroq vaziyat oʻzgarib, Milandan ketishi kutilayotgan Yussuf Fofana varianti birinchi oʻringa chiqdi.
Fofananing agentlari allaqachon Yuventus rahbariyati bilan aloqaga chiqib, fransuz futbolchisining xizmatlarini taklif qilishgan. Shuningdek, Turin klubi himoya chizigʻida ham muammolarga duch kelishi mumkin.
Gatti va Rugani jamoani tark etishi ehtimoli yuqori boʻlgani sababli, oʻng oyoqli markaziy himoyachi qidirilmoqda. Shu munosabat bilan, Milan safini tark etishga yaqin turgan Fikayo Tomori yana Yuventusning eʼtibor markaziga tushdi.
Bu transferlar amalga oshsa, har ikki jamoa ham oʻzining zaif nuqtalarini yopishga muvaffaq boʻladi. Hujum chizigʻidagi kutilmagan burilishlar Milan klubi esa hujum chizigʻini qayta shakllantirish ustida bosh qotirmoqda.
Jamoada Kristian Pulishichning oʻrni muqim boʻlsa-da, Kristofer Nkunku va Rafael Leaoning jamoadagi kelajagi soʻroq ostida qolmoqda. Bunday vaziyatda Milan rahbariyati hujumkorlikni oshirish uchun yangi nomzodlarni koʻrib chiqmoqda.
Aynan shu pallada Yuventusga tegishli boʻlgan argentinalik vinger Niko Gonsales varianti paydo boʻldi. Niko Gonsales Atletiko Madriddagi ijara muddatini yakunlab Turinga qaytgan boʻlsa-da, u yerda qolish niyatida emas.
Futbolchining agentlari uni Milanga taklif qilishgan va Milan mutasaddilari bu taklifni jiddiy koʻrib chiqishga tayyor. Transfer oynasining soʻnggi kunlari har ikki klub uchun ham tarkibdagi muvozanatni tiklash va keraksiz futbolchilardan qutulish uchun oxirgi imkoniyat boʻlib xizmat qiladi.
