Javohir Sindarov va Magnus Karlsen o‘rtasidagi bahsda durang qayd etildi
Hindistonning Bangalor shahrida o‘tkazilayotgan, mukofot jamg‘armasi bir million AQSH dollarini tashkil etuvchi nufuzli Tech Mahindra Global Chess League jamoaviy turniri hal qiluvchi pallaga kirdi. Bu haqda One.uz xabar beradi.
Dunyoning eng kuchli olti klubi ishtirok etayotgan musobaqada o‘zbekistonlik iqtidorli grossmeyster Javohir Sindarov yetakchilik qilayotgan Fyers American Gambits jamoasi shaxmat afsonasi Magnus Karlsen sardorligidagi Alpine Apl Pipers jamoasiga qarshi dona surdi. Birinchi taxtadagi markaziy bahsda Sindarov va Karlsen o‘zaro to‘qnash keldi va ushbu duel butun dunyo shaxmat ishqibozlarining diqqat markazida bo‘ldi.
Murosasiz kechgan bahslar yakunida Karlsen jamoasi 9:7 hisobida g‘alaba qozonib, turnir jadvalidagi vaziyatni o‘zgartirib yubordi. Sindarov va Karlsen o‘rtasidagi shiddatli bahs Turnirning eng muhim to‘qnashuvlaridan biri kutilmagan voqealarga boy bo‘ldi.
Jamoaning asosiy yetakchisi sifatida birinchi taxtada qora donalarda harakat qilgan Javohir Sindarov shaxmat toji sohibi Magnus Karlsenga qarshi munosib qarshilik ko‘rsatdi. Biroq murakkab taktik kurashlar ostida kechgan o‘yinda tajribali norvegiyalik raqib ustunlikni qo‘lga kiritib, g‘alaba qozondi.
Shuningdek, jamoa a’zolaridan rossiyalik Daniil Dubov hindistonlik grossmeyster Vidit Gujrathiga imkoniyatni boy berib qo‘ydi. Qolgan uchta taxtada esa tomonlar durang natija bilan cheklandilar.
Qozog‘istonlik shaxmatchi Bibisara Asaubayeva o‘z partiyasida ishonchli g‘alaba qozongan bo‘lsa-da, bu umumiy natijani jamoa foydasiga hal qilish uchun yetarli bo‘lmadi. Yakunda Magnus Karlsen boshchiligidagi jamoa kichik hisobdagi muvaffaqiyatni rasmiylashtirdi.
Turnir jadvalidagi o‘zgarishlar va imkoniyatlar Ushbu mag‘lubiyatga qadar 15 ochko bilan qo‘shimcha ko‘rsatkichlar bo‘yicha peshqadamlik qilayotgan Fyers American Gambits jamoasi o‘z o‘rnini boy berdi. Hozirda 18 ochko jamg‘argan Karlsen jamoasi turnir jadvalida oldinga o‘tib oldi.
Birgina turning natijasi bir million dollarlik mukofot jamg‘armasiga ega ligadagi pog‘onalarni sezilarli darajada o‘zgartirib yubordi. Ayni paytda qo‘shimcha ko‘rsatkichlar bo‘yicha 18 ochko to‘plagan Yan Nepomnyashiyning Ganges Grandmasters jamoasi jadvalda peshqadamlik qilmoqda.
E’tiborli jihati shundaki, bir kun avval Sindarov jamoasi aynan ushbu klubni 13:5 hisobida mag‘lub etib, musobaqada katta shov-shuv ko‘targan edi. Hozirda Javohir Sindarov jamoasi 15 ochko bilan uchinchi o‘ringa tushgan bo‘lsa-da, chempionlik va final yo‘llanmasi uchun kurashish imkoniyatini saqlab qolmoqda.
Navbatdagi turda fransiyalik Maksim Vashe-Lagravga qarshi kechadigan bahs jamoaning taqdirini hal qilishi kutilmoqda. Ma'lumotlar One.uz sayti materiallari asosida tayyorlandi.
